Nur-Múbarak ýnıversıtetinde muz aıdyny ashyldy (FOTO)

15 qańtar 2021 311 0
Оqý rejımi

Almatynyń qysqy keremetiniń bir kórinisin endi Nur-Múbarak ýnıversıtetiniń oqý kesheninen kórýge bolady. Ýnıversıtettiń sport alańy qysqy aýa-raıynyń múmkindikterine saı alǵash ret muz aıdynyna aınaldy.

Alǵashqy kúni ýnıversıtet qyzmetkerlerinen qurylǵan eki komanda hokkeı oıynynda ózara baq synady. Bul saıysqa arnap arnaıy kerek-jaraq, asaı-múseıler de alynǵan bolatyn. Sondyqtan hokkeı oıynyn oqý ornynan tys syrttan kelýshilerge de aqyly túrde oınaýǵa múmkindik jasalýda.

Alǵashqy kúnderi jalpy halyqqa qoldanýǵa tegin usynylǵan muz aıdynyn qys mezgili aıaqtalǵansha qalpynda ustap turý úshin de óz múmkindikterin ózine jumsaý jaǵyna mán berýge týra kelmek.

«Ál-Farabı dańǵyly Almatydaǵy eń úlken jol arnasy ári taýǵa jaqyn ornalasqan. Bul jerde konkı tebý qaı jaǵynan da tıimdi ári qajettilik bar ekenin eskerip, ýnıversıtettiń sport alańyn qur turǵyzbaı kók aıdynǵa aınaldyrdyq. Qazir muz alańynda ótetin ýnıversıtetishilik jarystardy da bastap kettik», – deıdi prorektor, dotsent Qaırat Qurmanbaev.

Muz alańynda shaıbaǵa talasqan ýnıversıtet qyzmetkerleri munyń qarbalas jumys kúninen keıin tamasha sergý alańy bolǵanyn atap ótti.

Pіkіrler Kіrý