Nur-Múbarak ýnıversıtetiniń úzdik oqytýshylary anyqtaldy

Stýdentterdiń bilim sapasyn arttyrý maqsatynda Nur-Múbarak ýnıversıtetinde jyl saıyn professor-oqytýshylar quramynyń (POQ) qyzmetin baǵalaý arqyly reıtıng jarııalanady. Bıyl da ýnıversıtettiń Sapa menedjment júıesi bólimi jarııalaǵan reıtıngke tórt kafedranyń, atap aıtqanda: Jalpyýnıversıtettik gýmanıtarlyq pánder kafedrasynan – 13, Dintaný kafedrasynan – 19, Arab jáne aǵylshyn tilder kafedrasynan – 15, Islamtaný kafedrasynan 28 oqytýshy qatysty.

«POQ reıtıngisin anyqtaý oqytýshylardyń izdenisin arttyryp, qosysha eńbekter shyǵarýyna, básekelestikke qabiletti sapa qalyptastyrýǵa múmkindik beredi. Sondyqtan biz barlyq oqytýshylardyń qatysýyna múddelimiz ári bul jylda dástúrli túrde jalǵasyp, jemisin kórsetip keledi» dedi SMJ bóliminiń meńgerýshisi, qaýymdastyrylǵan professor Shamshat Ádilbaeva.

Barlyǵy 75 oqytýshy ózara ǵylymı zertteý, oqý jáne ǵylymı-ádistemelik, biliktilikti arttyrý, akademııalyq utqyrlyq jáne tárbıe jumystary boıynsha 36 talapqa saı jumystaryn usyndy. Nátıjesinde 1-oryndy fılologııa ǵylymdarynyń kandıdaty, dotsent (AAT) Gúldarhan Rysbaeva, 2-oryndy fılologııa ǵylymdarynyń kandıdaty, qaýymdastyrylǵan professor (JÝGP) Darıǵa Qapasova, 3-oryndy fılosofııa ǵylymdarynyń kandıdaty dotsent (Islamtaný)Jalǵas Sandybaev) ıelendi.

Sondaı-aq bıylǵy erekshelik magıstr-oqytýshylar arasynda da úzdikter anyqtaldy. Olar: Nurjan Stambakıev (Islamtaný), Bıjan Ilesbekov  (Islamtaný), Jadyra Sarıeva (AAT). Úzdik oqytýshylar arnaıy sertıfıkatpen marapattalyp, jeńimpazdarǵa «Salıqaly urpaq» qoǵamdyq qory arnaıy syı-syıapat jasady.

​