Nur-Sultan ókildigi boıynsha jyldyq qorytyndy jınalys ótti (FOTO)

Búgin respýblıkalyq «Áziret Sultan» meshitinde Nur-Sultan qalasynyń bas ımamy Erbolat Júsipovtiń tóraǵalyǵymen Elorda meshitteriniń jyldyq qorytyndy jınalysy ótti. Qorytyndy jınalys barysynda qaladaǵy 12 meshittiń bas ımamdary bıylǵy jyly atqarylǵan is-sharalar esebine toqtalyp, arnaıy slaıd shoý arqyly jumys nátıjesiniń sýretterimen birge baıandap otyrdy.

Aıta keteıik, elimizdegi qulshylyq ordalarynyń qyzmeti Qazaqstan musylmandary dinı basqarmasy bekitken negizgi jeti baǵyt boıynsha júrgiziledi: Aqparat jáne qoǵammen baılanys, Ýaǵyz-nasıhat, Qaıyrymdylyq, Oqý-aǵartý, Rýhanı tárbıe – Ihsan ilimi, Din men dástúr jáne dinı teris aǵymdarmen kúres.

Qaladaǵy 12 meshittiń bas ımamdary osy atalmysh jeti baǵyt boıynsha jekeleı toqtalyp, Elordanyń rýhanı ómirindegi jetistikterimen bólisti. Jınalys barysynda ókildik tarapynan qosymsha saýaldar qoıylyp, kelesi jyl josparyna engiziletin aýqymdy sharalar talqylanyp, tapsyrmalar berildi.

Sýretterdi «FOTOGALEREIa» aıdarynan kóre alasyzdar!