Nur-Sultan ókildigi zırat basyna tazalyq jumystaryn júrgizdi (FOTO)

QMDB Nur-Sultan qalasy ókildiginiń uıymdastyrýymen qala shetindegi musylman mazarlarynda tazalyq jumystary bastaldy. Qala bas ımamy Erbolat Júsipov bastaǵan dinı qyzmetkerler ujymy, Saryarqa aýdany ákimi Baıken Eset Berikuly men máslıhat depýtattary jáne erikti jamaǵattyń atsalysýymen musylman mazarlaryn qoqystan tazartyp, marqumdar rýhyna duǵa baǵyshtap qaıtty.

Qasıetti Quran aıattarymen bastalǵan saýapty shara basynda Nur-Sultan qalasynyń bas ımamy Erbolat Júsipov marqumdarǵa qurmet kórsetý, mazar basyn tazalaý jumystarynyń qanshalyqty mańyzdy hám saýapty ekenin aıtyp ótti.

Aıta keteıik, mamyr aıynyń 31-juldyzynda QMDB «Qamqor-Sharapat» salttyq qyzmet kórsetý ortalyǵynyń uıymdastyrýymen elimizdiń barlyq óńirinde zırat mańyna tazalyq jumystary júrgizilgen bolatyn. Saýapty sharanyń jelisin jalǵastyrǵan búgingi tazalyq jumysy da oıdaǵydaı aıaqtalyp, zırat mańy bir tazaryp qaldy.

Sýretterdiń tolyq nusqasyn «FOTOGALEREIa» aıdarynan kóre alasyzdar!