On birinshi qaıyrymdylyq mekemesi ashyldy (FOTO)

On birinshi qaıyrymdylyq mekemesi ashyldy (FOTO) Búgin Shymkent qalasynda Qazaqstan musylmandary dinı basqarmasyna qarasty on birinshi Qaıyrymdylyq mekemesi ashyldy. Ashylý rásimine QMDB Qaıyrymdylyq jáne ýaqyp bóliminiń meńgerýshisi Kamaljan Turdybaev, Shymkent qalasynyń bas ımamy Baqtybaı Beısenbaev, Shymkent qalasy ardagerler keńesiniń tóraǵasy Isamýddın Rysbaı jáne ımamdar men bir top ǵalymdar qatysty. Bas ımam Baqtybaı Beısenbaevtyń aıtýynsha, mekemege kópbalaly otbasylardyń jáne turmys jaǵdaıy tómen januıalardyń balalary qabyldanady. Ashylǵan jańa mekemeniń dırektorlyq qyzmetine Muhamedjan Estemirov taǵaıyndaldy. Aıta ketsek, qaıyrymdylyq mekemesi 120 balaǵa laıyqtap salynǵan. Dárishanasy, ashanasy, jataqhanasy bar. Onda qabyldanǵan balalar tegin tamaqpen qamtamasyz etiledi. Ashylý rásimine qatysqan alqa osy ortadan dinin berik, salt-dástúrine adal, bilimdi ǵalymdar shyǵýyna tileýlestik bildirdi. Jospar boıynsha alda taǵy osyndaı 4 mekeme ashý kózdelgen. Búginde onyń qujattary rásimdelýde.