Ortaq memorandým qabyldandy (FOTO)

Nur-Sultan qalasynda QMDB men alǵashqy ıslamdyq fınteh Tayyab Qazaqstanda ıslamdyq fıntehti qoldaý jáne ilgeriletý maqsatynda yntymaqtastyq jáne ózara is-qımyl týraly Memorandýmǵa qol qoıdy.

Qazaqstan musylmandary dinı basqarmasy tarapynan memorandýmǵa QMDB Tóraǵasynyń orynbasary, naıb múftı Ershat Ońǵar, al Tayyab tarapynan jobanyń negizin qalaýshylardyń biri Danııar Ýspanov qol qoıdy.

Memorandýmnyń negizgi maqsaty – áriptestik qatynastardy nyǵaıtý jáne ıslamdyq qarjylandyrýdy damytý.

Atalǵan joba ıslamdyq ómir saltyn ustanatyn azamattar úshin jaqyn mańdaǵy meshitti, namazhanany, halal dámhana tabýdy jeńildetedi. Sonymen qatar namaz ýaqyty men azan, qubyla kompasy, zeket kalkýlıatory boıynsha ońaı aqparat alýǵa bolady.