OTBASY KÚNINE ORAI: Meshit ujymyna merekelik shara uıymdastyryldy (FOTO)

2013 jyldan bastap qyrkúıek aıynyń ár ekinshi jeksenbisi saıyn elimiz boıynsha Otbasy kúni merekelenip kele jatqany barshamyzǵa belgili. Otbasy qundylyqtaryna memlekettik deńgeıde qurmet kórsetilip, januıa baqytyna jol ashatyn aıtýly kúnge oraı Qazaqstan musylmandary dinı basqarmasy da «Otbasy aptalyǵyn» jarııalap, ıgi sharalardyń qataryn kóbeıte túsken bolatyn. Dinı basqarma barlyq ókildikteri osy bastama aıasynda Otbasy kúnine oraı túrli tanymdyq is-sharalar uıymdastyryp, otbasy qundylyqtaryn nasıhattaý jumysyn jandandyra túsken bolatyn.

Osy bastama aıasynda búgin respýblıkalyq «Áziret Sultan» meshitiniń jalpy ujymyna Otbasy kúnine oraı merekelik shara bolyp ótti. Merekelik jıynǵa qulshylyq ordasynyń barlyq jumysshylary: dinı qyzmetkerler men saıt ujymy, kúzet saqshylary men tazalyqshy qaýymy, tehnıkalyq bólim mamandary qatysyp, Otbasy kúnine oraılastyrǵan berekeli otyrys ótkizdi. Búgingi kúnniń mán-mańyzyna toqtalǵan bas ımam Erbolat Júsipov quttyqtaý lebizin bildirip, otbasylyq qundylyqtarǵa qatysty áserli nasıhat aıtty.

Jıyn sońynda jamaǵatpen duǵa jasalyp, elimiz ben jerimizdiń tynyshtyǵy, otbasy bútindigi men birligin tilep bata qaıyrdy. Sondaı-aq, meshit qyzmetkerlerine mereke qurmetine oraı arnaıy syılyq sómkeleri úlestirildi.

Aıta keteıik, Otbasy aptalyǵy aıasynda «Áziret Sultan» meshitinde buǵan deıin «Januıa jarasymy» atty semınar-trenıng ótkizilgen bolatyn. Semınar sabaǵyna  «Áziret Sultan» meshitinde sońǵy bir jyl ishinde neke qıdyrǵan jas otbasylar shaqyrylyp, otbasy baqytyna qol jetkizý joldary jaıly nasıhatqa qanyǵyp qaıtqan edi.

Sýretter toptamasyn «FOTOGALEREIa» aıdarynan kóre alasyzdar!