OTBASY SEMINARY: JEŃIMPAZDARǴA ShIPAJAIDYŃ JOLDAMALARY BERILDI (FOTO)

«Áziret Sultan» meshitinde Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń qatysýymen ótken otbasylarǵa arnalǵan semınarda qyzyqty baǵdarlamalar uıymdastyryldy.

Sharada tusaýkeser rásimi, azan shaqyryp at qoıý, neke qııý rásimderi ótkizilip, Bas múftı óziniń aq batasy men duǵa-tilegin arnady. Sondaı-aq, qatysýshylar arasynda din men dástúr aıasynda vıktorınalyq suraqtar oıyny ótti. Eki kezeńnen turatyn saıysta áýeli sheshýi ońaı suraqtar qoıylyp, jaýap berýshilerdiń barlyqtaryna arnaıy syılyqtar úlestirildi. Al, ekinshi kezeńde 7 kúrdelirek suraqtar qoıylyp, onyń barlyq qatysýshylaryna shıpajaıǵa joldamalar berildi.