ÓTKEN APTADA PAIǴAMBAR (ﷺ) MEShITINDE 6 MLN-NAN ASA ADAM QULShYLYQ ETKEN

Ótken aptada qasıetti Mádına qalasyndaǵy Paıǵambar (Allanyń ıgiligi men sálemi bolsyn) meshitinde 6 mln-nan asa adam namaz oqyǵan.

Barlyq  musylman qaýymy qurmet tutatyn ári mańyzy jaǵynan Mekkedegi Haram meshitinen keıingi orynda turǵan meshitte bir aptanyń ishinde 6,3 mln musylman, sonyń ishinde eki álem sardary Muhammed Mustafanyń (Allanyń ıgiligi men sálemi bolsyn) qabiri ornalasqan ár-Raýda ash-Sháripte 127 myńnan astam adam namaz oqyǵan.

Osy oraıda bıylǵy ýmra maýsymynda 10 mln-ǵa jýyq adam kishi qajylyqqa keletinin aıta ketý kerek. Buǵan qosa, ár-Raýda ash-Sháripke qajylar aldyn ala jazylý arqyly kire alatynyn eskertemiz.

Derekkóz: islam.kz

Источник: Aidos