Ózbekstan múftıi QMDB tóraǵasynyń úndeýine qoldaý bildirdi

Ózbekstan musylmandary dinı basqarmasynyń tóraǵasy Ýsmonhon Alımov Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń musylman álemine jasaǵan úndeýine qoldaý bildirdi. Bul týraly Dinı basqarmaǵa arnaıy joldaǵan qoldaý hatynda baıandady.

Ózbekstan múftıi hatynda qazirgi ýaqytta koronavırýs indetiniń álemdi jaılap bara jatqanynyna qynjylys bildirip, alańdaýshylyq týdyrǵanyn ataı kele, osyndaı syn saǵatta Ózbekstanda atqarylyp jatqan jumystarǵa toqtaldy. Sondaı-aq mundaı qıyn shaqta birlesip duǵa jasaýdyń berekeli bolatynyn atap ótti.

«Aramyzdaǵy alshaqtyqqa qaramastan, bárimiz rýhanı birgemiz. Bizdiń kúshimiz – shynaıy duǵamyzda. Indet – Allanyń bizge jibergen synaǵy. Synaqty qabyl alyp, indetpen laıyqty kúressek, bizge Allanyń meıirim-shapaǵaty bolyp, táýbemizdi qabyl alady». – dep atap ótti Ýsmonhon Alımov.

​