Ózgelerge qııanat jasamaı, úıde ǵıbadat etý – úlken saýap

Búgin elordada Prezıdent janyndaǵy Ortalyq kommýnıkatsııalar qyzmetinde tikeleı Efırde ótken brıfıngte QMDB Tóraǵasy Naýryzbaı qajy Taǵanuly osylaı dedi.

Bas múftı sondaı-aq pandemııaǵa baılanysty QMDB din qyzmetkerleriniń janaza jáne astardy atqarý tártibi, Qazaqstan musylmandary dinı basqarmasynyń COVID-19 indeti kezinde janaza jáne qudaıy as ótkizýge qatysty málimdemesi, el Úkimetiniń qaýlysy qabyldanǵanyn, eldiń amandyǵy úshin qabyldanǵan qujattarǵa boıusyný árbir musylmannnyń mindeti ekenin atap ótti.

«Keshe elimizdiń Úkimeti qoǵamdyq oryndarǵa jınalmaý qajettigi  týraly arnaıy qaýly qabyldady. Kópshilik nysandar qatarynda qulshylyq oryndary da bar. Meshitte qulshylyq etý – saýapty amal sanalsa, karantın jaǵdaıynda ózgelerge qııanat jasamaı, úıde oqshaýlanyp, ǵıbadat etý de – úlken saýap.

Halqymyz osy synaqty da sabyrmen eńserip, qalypty ómir tirshiliginde, ıgi isterde basqosýdy jazǵaı», - dedi Naýryzbaı qajy Taǵanuly.