PAVLODARDA HIII RESPÝBLIKALYQ QURAN KÁRIM BAIQAÝY ÓTEDI

Qazaqstan musylmandary dinı basqarmasynyń uıymdastyrýymen Pavlodar qalasynda 2024 jyldyń qyrkúıek aıynda qasıetti «Quran Kárimdi jatqa jáne mánerlep oqý boıynsha HIII respýblıkalyq baıqaý» ótedi. 

Baıqaýǵa qatysýshylar Quran Kárimniń 30 parasyn, 20 parasyn, 10 parasyn jatqa oqý jáne mánerlep oqý nomınatsııalary boıynsha baq synaıdy.

Quran baıqaýyna qatysýshylarǵa qoıylatyn talaptar:

• Qurandy qatesiz jatqa jáne tájýıdimen kórkem oqýyna basa mán beriledi;
• úmitker óz oblysyndaǵy aldyn ala irikteý saıysynda 1-oryn alǵan jaǵdaıda ǵana jarysqa joldama alady;
• tolyq Qurandy jatqa oqý nomınatsııasy boıynsha qatysatyn úmitker Respýblıkalyq, halyqaralyq jarystarda júldeli oryn almaǵan bolýy kerek;
• úmitker QR er azamaty bolýy kerek;
• úmitkerdiń 30 jastan aspaǵan bolýy kerek;
• úmitker jarysqa tek bir nomınatsııa boıynsha ǵana qatysa alady. 

Baıqaýǵa qatysý úshin:

1. Oblys Bas ımamynyń usynys haty;
2. Úmitkerdiń anketasy;
3. Jeke kýálik kóshirmesi;
4. Irikteý saıysynyń sertıfıkat kóshirmesi talap etiledi. 

Jeńimpazdar men júldegerlerge qarjylaı syılyqtar tabystalyp, arnaıy sertıfıkattar beriledi.