Paıǵambar meshitindegi juma namazy qalaı ótti

Madına shaharyndaǵy Paıǵambar meshiti uzaqqa sozylǵan karantın rejıminen keıin 31-mamyr kúni qaıta ashylǵan bolatyn. Ázirge meshit qaqpalary tań namazynan bir saǵat buryn ashylyp, quptannan soń qaıta jabylyp otyr. Meshittiń kólik turaǵy da ázirge jartylaı júktememen jumys jasaýda.

Sondaı-aq, ótken aptada Paıǵambar meshitinde alǵashqy juma namazy oqyldy. Karantın erejelerine sáıkes, meshitke kelýshi jamaǵat ǵımarat aýmaǵynyń tek 40% aspaýy tıis. Buǵan qosa, meshittiń barlyq qaqpasyna adamnyń dene qyzýyn ólsheıtin arnaıy teplovızor qurylǵylary ornatylyp, edendegi kilemder alynyp tastalǵan. Belgililengen meje boıynsha meshit kúmbezderi men shatyrlary ashylyp, ǵımarat ishin jıi jeldetip otyrady.