Paıǵambarymyzdyń (s.ǵ.s.) múbárak saqaly Kókshetaý jamaǵatyna kórsetildi (FOTO)
Paıǵambardyń (oǵan Allanyń salaýaty men sálemi bolsyn) qasıetti saqal sháripi – bizge jetken eń qundy jádigerlerdiń biri. Atbasar óńirinde san ǵasyr boıy saqtalǵan bul asyl dúnıe Múftııattan Máýlit merekesine oraı Kókshetaý qalasyna ákelindi. Osy kúni Naýan haziret meshitine Paıǵambardyń qasıetti saqal sháripin kórýge kelgen qaýym da az bolmady. Oblys ımamy Qýanysh qajy Jumabaıulynyń usynysymen ákelingen asyl jádiger Máýlit merekesiniń taǵylymyn arttyra tústi.
Juma namazy aldynda QMDB dinı bilim jáne kadr daıarlaý bóliminiń basshysy Beıbit Myrzageldıev musylman úshin asa qasterli dúnıeniń tarıhynan syr qozǵap, jan-jaqty aqparat berdi. Arnaıy qorapshaǵa salynǵan kúmispen kúptelgen shyny tútikshe bir tal saqal sháripti saqtap keledi.
Oblys ımamy Qýanysh Sábıt Bas múftıge Kókshe jurtynyń usynysyn jetkizip, asyl jádigerdiń Naýan haziret sııaqty ulylardyń eline ákelinýine úles qosty. Bul aıshyqty oqıǵa Máýlit merekesiniń taǵylymyn arttyryp, oǵan tánti bolǵan jurt jaqsy peıilmen tarap jatty.
