Prezıdent Oraza aıt merekesimen quttyqtady

Memleket basshysy Qasym-Jomart Toqaev barsha qazaqstandyqtardy Oraza aıt merekesimen quttyqtady. Bul týraly Aqordanyń baspasóz qyzmeti habarlady.

«Rýhanı tazarý men jańarýǵa jol ashatyn osy qasıetti meıram kúlli musylman qaýymy úshin aıryqsha mańyzdy. Ramazan aıyna jalǵasqan bul jarqyn mereke qasterli dinimizdegi meıirim men shapaǵat, janashyrlyq pen qamqorlyq sııaqty asyl qundylyqtardy dáripteıdi. Oraza aıt ár adamnyń júregine ıman nuryn seýip, izgilikke úndeıdi, jurtty jaqsylyqqa jetelep, qoǵamdy ıgi isterge jumyldyrady. Sol arqyly halqymyzdyń bereke-birligin nyǵaıtyp, yrys-yntymaǵyn arttyrady.

Barshamyz aıttan aıtqa aman-esen jete bereıik! Sizderge zor densaýlyq, baq-bereke tileımin! Ár shańyraq shýaqqa bólenip, qýanyshqa kenelsin! Oraza aıt qutty bolsyn!» - dedi Memleket basshysy.