Qaǵba jamylǵysy qaıta túsirildi

Qasıetti qos meshit isteri jónindegi Prezıdıýmnyń sheshimi boıynsha Qaǵba jamylǵysy qaıta ornyna túsirildi. Osylaısha, qajylyq maýsymy aıaqtalyp, kishi qajylyq bastalǵany jarııa etildi.

Aıta keteıik, qajylyq maýsymy kezinde qasıetti Qaǵba jamylǵysynyń bútin ári taza bolýy maqsatynda joǵary kóterip qoıǵan bolatyn. Álemniń túkpir-túkpirinen jınalǵan musylmandar týǵan elderine tábárik retinde qısýa bóligin alyp ketýdi ádetke aınaldyrǵasyn, sońǵy jyldary osyndaı sharalar qoldanysqa engizilgen bolatyn.

Degenmen, arapa kúni Qaǵba basynda qajylar bolmaıtyndyqtan eski jamylǵysy aýystyrylyp turady. Alaıda, jamylǵy sol joǵary kóterilgen qalpynda qala beredi.

Altyn jiptermen ádiptelip, taza jibekten tigilgen jamylǵynyń jalpy kólemi 658 sharshy metrdi quraıtynyn eskerte keteıik.