Qala bas ımamy «Áljan ana» meshitine bardy

Astana qalasynyń bas ımamy Erbolat Júsipov bastaǵan ókildik qyzmetkerleri baqylaý-basqarý baǵyty aıasynda elordadaǵy «Áljan ana» meshitine bardy.

Qulshylyq ordasynda qonaqtardy meshittiń bas ımamy Altynbek Utyshanuly qarsy alyp, meshittiń qazirgi jumysy, jamaǵatpen atqarylyp jatqan rýhanı-aǵartýshylyq sharalar men áleýmettik bastamalar jóninde málimet berdi. Sonymen qatar jamaǵatqa arnalǵan turaqty ýaǵyzdar men tárbıelik kezdesýler uıymdastyrylyp otyrǵanyn jetkizdi.

Kezdesý barysynda din qyzmetkerlerimen basqosý ótip, birqatar mańyzdy máseleler qaraldy. Qala bas ımamy meshit qyzmetin júıeli júrgizýdiń mańyzyn atap ótip, aǵartýshylyq jumystardy kúsheıtý, jamaǵatpen baılanysty nyǵaıtý jáne tárbıe baǵytyn jandandyrý jóninde naqty mindetter júktedi.

Sondaı-aq ımamdardyń jaýapkershiligi, halyqpen baılanys, jastarmen jumys jáne qoǵamdaǵy rýhanı qundylyqtardy nasıhattaý máseleleri sóz boldy. Bas ımam meshittiń tek qulshylyq orny ǵana emes, tárbıelik máni bar orta ekenin atap ótti.

Sapar aıasynda jamaǵatpen júzdesip, besin namazynan keıin ýaǵyz-nasıhat aıtty. Kezdesý sońynda meshit ujymyna aldaǵy qyzmetine tabys tilep, el ıgiligi jolyndaǵy eńbekterine bereke tiledi.