QALA BAS IMAMY JAZǴY LAGERDIŃ ÁIEL USTAZDARYNA JIYN ÓTKIZDI (FOTO)

«Áziret Sultan» meshitinde Astana qalasynyń ókili Erbolat Júsipovtyń qatysýymen «Imanı jaz-2024» jazǵy saýat ashý kýrsynyń áıel ustazdaryna arnaıy jıyn ótti.

Jıynda bas ımam ókildikke qarasty meshit ustazdaryna balalarǵa dáris berýde este saqtaý qajet bolǵan mańyzdy máselelerdi aıtyp ótti. Atap aıtsaq, balalarǵa dinı bilim berýmen qatar tárbıe máselesin de jiti baqylaýda ustaý jáne eń bastysy búldirshinderdiń qaýipsizdigi men densaýlyǵy ekenin qaperge saldy.

Sondaı-aq, bıyl qoldanysqa enip otyrǵan «Muftyat» baspasynan jaryq kórgen «Imandylyq álippesi» oqýlyǵyn tanystyryp ótti. Jıyn sońynda ustazdarǵa qoıylatyn jaýapkershilik pen mindettiń úlken ekenin aıta kele, saýapty da jaýapty qyzmet jolynda ózara birlesip is atqarýǵa shaqyrdy.