«QAMQOR-SHARAPAT» JAÝAPTY MAMANDARYNA SEMINAR ÓTKIZILDI (FOTO)

QMDB, Astana qalasy ókildiginiń bastamasymen búgin «AQ MESHIT» meshitinde «QAMQOR-SHARAPAT» salttyq qyzmet kórsetý ortalyǵynyń jaýapty mamandaryna semınar ótti.

Semınarda QMDB Astana qalasynyń bas ımamy Erbolat Nuryldauly jáne «QAMQOR-SHARAPAT» ortalyǵynyń Astana qalasy boıynsha meńgerýshisi Dáýren Múslımov sóz sóıledi.

“Quranda “Ysyrap etpeńder, kúdiksiz Alla ysyrap etýshilerdi jaqsy kórmeıdi” (“Ánǵam” súresi, 141-aıat) delinedi. Ortalyqtyń maqsaty - halyqqa ysyrap etpeı, joralǵylardy tirilerge maqtaný úshin emes, qaıtqan kisige saýaby tısin dep atqarýdy nasıhattaý. Óıtkeni dinimiz orynsyz ysyrap pen dańǵazany qoldamaıdy,” - dedi Astana qalasynyń bas ımamy Erbolat Júsipov.

Shara barysynda ótken jylǵy atqarylǵan is-sharalar men 2024 jylǵa jospar jaıy talqylandy.

Aıta keteıik, «QAMQOR-SHARAPAT» – kópshiliktiń suranysymen jerleý rásimderinde ysyrapshyldyq pen básekelestikke jol bermeý jáne jalpyǵa ortaq mádenıet qalyptastyrý maqsatynda qolǵa alynǵan joba. QMDB bekitken úlgige saı 2021 jyly Astana qalasynda «AQ MESHIT» meshitinde ortalyǵy ashylǵan bolatyn. Qor aıasynda «As berý mádenıeti», «Zırat jáne zııarat» qujattary daıyndaldy. Sondaı-aq qala meshitterinde «Janaza jáne jerleý rásimderi» taqyrybynda kóptegen semınarlar uıymdastyryldy.

 

 

 

Источник: Aidos