«Qamqor-sharapat» ortalyǵyna jańa dırektor taǵaıyndaldy (FOTO)

Qazaqstan musylmandary dinı basqarmasynyń tóraǵasy Naýryzbaı qajy Taǵanulynyń buıryǵymen «QAMQOR-SHARAPAT» salttyq qyzmet kórsetý ortalyǵynyń dırektory qyzmetine Meırambek Qabylbekuly taǵaıyndaldy.

Elordada ótken kezekti Tóralqa májilisinde jańa dırektordy Dinı basqarma ujymyna tanystyrǵan Bas múftı Naýryzbaı qajy Taǵanuly: «Ózderińiz jaqsy bilesizder, «QAMQOR-SHARAPAT» – kópshiliktiń suranysymen jerleý, zırat kóterý rásimderinde ysyrapshyldyq pen básekelestikke jol bermeý jáne osy máselege qatysty jalpyǵa ortaq mádenıet qalyptastyrý maqsatynda qolǵa alynǵan joba. Osy ortalyqtyń dırektory qyzmetine osyǵan deıin «Áziret Sultan» meshitinde belsendi jumys istegen Meırambek Qabylbekulyn taǵaıyndaý týraly sheshim qabyldadym. Alla Taǵala jańa jumysyńyzǵa sáttilik násip etsin», – dep atap ótti.