«QAMQOR-SHARAPAT» ORTALYǴYNYŃ ALǴAShQY SEMINARY ÓTTI (FOTO)

Búgin elordadaǵy Respýblıkalyq bas meshitte «QAMQOR-SHARAPAT» salttyq qyzmet kórsetý ortalyǵynyń alǵashqy semınary ótti.

Semınarǵa QMDB Tóraǵasynyń orynbasary, naıb múftı Sansyzbaı qajy Shoqan, Ońaltý bóliminiń meńgerýshisi Hasan Amanqul, «Ýaqyp» qorynyń prezıdenti Ardaq Orazbaev, ortalyqtyń óńirlerdegi fılıaldarynyń dırektorlary qatysty.

Basqosý barysynda ortalyqtyń tynys-tirshiligi, óńirlerdegi fılıaldardyń jumysy talqyǵa salynyp, aldaǵy josparlary usynyldy. Jıyn sońynda Bas meshittiń tómengi qabatynda ornalasqan ortalyqtyń qyzmet kórsetý orny iske qosyldy.

Aıta keteıik, «QAMQOR-SHARAPAT» salttyq qyzmet kórsetý ortalyǵy QMDB Tóraǵasy, Bas múftı Naýryzbaı qajy Taǵanulynyń bastamasymen zırat turǵyzýda ysyrap pen básekege jol bermeı, jalpyǵa ortaq jerleý mádenıetin qalyptastyrý maqsatynda qurylǵan bolatyn.