«Qamqor-sharapat» ortalyǵynyń jumysy pysyqtaldy (FOTO)
Elordada Bas múftı Naýryzbaı qajy Taǵanulynyń tóraǵalyǵymen QMDB-ǵa qarasty «Qamqor-Sharapat» salttyq qyzmet kórsetý ortalyǵynyń jıyny ótti.
Basqosýǵa QMDB basshylyq quramy men oblys bas ımamdary, sondaı-aq ortalyqtyń óńirlerdegi jaýapty ókilderi onlaın rejımde qatysty. Aldymen «Qamqor-Sharapat» salttyq qyzmet kórsetý ortalyǵynyń dırektory Kamaljan Turdybaev mekemeniń búginge deıin atqarǵan jumystaryn baıandap berdi. Bas múftı jyl basynda ashylǵan ortalyq jumysyna oń baǵasyn berip, bas ımamdarǵa mekeme jumysyna múmkindiginshe kómektesýdi tapsyrdy.
«Ózderińizge belgili, «Qamqor-Sharapat» salttyq qyzmet kórsetý ortalyǵynyń resmı ashylýy ótti. Ortalyq Qazaqstan musylmandary dinı basqarmasy bekitken «Zırat jáne zııarat mádenıeti» qujatyna saı jerleý tártibin júrgizip, júzege asyrady. Búginde jerleý rásimi sharıǵat normalaryna jáne ata-baba dástúrine sáıkes bolýymen birge órkenıet kóshinen de artta qalmaýy kerek. Óz kezeginde «Qamqor-Sharapat» salttyq qyzmet kórsetý ortalyǵy QMDB Sharıǵat jáne pátýa bólimi usynǵan úlgige saı jerleý jáne qulpytas kóterý jumystaryn birizdilikke keltirý maqsatynda úlken eńbek etip keledi», – dep atap ótti QMDB Tóraǵasy Naýryzbaı qajy Taǵanuly.
