Qanat Alshynbaev «Atyraý» arnasyna suhbat berdi (FOTO)

25 qyrkúıek 2020 402 0
Оqý rejımi

QMDB Dinı ońaltý bóliminiń meńgerýshisi Qanat Alshynbaev Atyraý oblysyna jumys saparymen bardy.

Ol ortalyq «Imanǵalı» meshitinde Atyraý qalasyna qarasty meshitterdiń ımamdarymen kezdesip, dinı ońaltý baǵytyndaǵy is-tájirıbesin bólisti. Sondaı-aq jergilikti «Atyraý» telearnasyna onlaın formatta suhbat berdi. Suhbat aıasynda negizinen qazaq dalasyndaǵy musylmandyq mektep jáne jat aǵymdardan keletin qaýip taqyryby talqylandy.

«Qazaq halqy úshin Abaı, Shákárim salǵan mektep úlken jol, temirqazyq bola alady. Qazaq dalasynan shyqqan ǵulamalarymyz qasıetti Quran men Paıǵambarymyz (oǵan Allanyń salaýaty men sálemi bolsyn) súnnetin halqymyzdyń bolmysymen, salt-dástúrlerimizben baılanystyra otyryp jetkizip ketti. Ulttyq salt-sananyń qaınar kózi bolǵan Abaıdyń dara joly búgingi urpaq tárbıesinde basty mektep bolýy kerek», – dedi ol.

Budan ári Qanat Alshynbaev Atyraý oblysyna qarasty aýdan ımamdarymen, «Shapaǵat» destrýktıvti dinı aǵymdardan japa shekkenderge kómek kórsetý ortalyǵy teologtarymen, terrorızm baby boıynsha túzetý mekemelerinde jazasyn ótep jatqandarmen kezdesedi dep kútilýde.

Pіkіrler Kіrý