Qasaphanalarda «Ashyq» mobıldi qosymshasy ornatylady (FOTO)

Ortalyq Kommýnıkatsııalar qyzmetinde ótken brıfıngte QMDB Tóraǵasynyń orynbasary, naıb múftı Ershat qajy Ońǵar Qurban aıtty ótkizýge baılanysty arnaıy jumys toby qurylǵanyn jáne birneshe baǵyttaǵy naqty sharalar atqarylatynyn atap ótti.

Ershat qajy Ońǵardyń aıtýynsha, «sary» jáne «jasyl» aımaqtaǵy qurbandyq shalatyn arnaıy oryndarda azamattardyń densaýlyǵyna erekshe kóńil bólý jáne qoǵamdyq qaýipsizdikti qamtamasyz etý maqsatynda «ASHYQ» mobıldi qosymshasy iske qosylady.

«Atap aıtqanda, «qyzyl» jáne «sary» mártebesi bar azamattar qurbandyq shalý oryndaryna jiberilmeıdi, «kók», «jasyl» mártebesi bar azamattar ǵana jiberiledi. Osy rette, Nur-Sultan, Almaty jáne Shymkent qalalary, oblystardyń ákimdikteri Ishki ister, densaýlyq saqtaý mınıstrlikteri, QMDB-men birlesip, elimizdiń óńirlerinde «ASHYQ» mobıldi qosymshasy aıasynda halyq arasyndaǵy qoǵamdyq qaýipsizdikti qamtamasyz etedi», – dedi naıb múftı.

Sondaı-aq, Ershat qajy Ońǵar oflaın formatta qurban shalýǵa nıetti adamdardyń arnaıy tizimi jasalatynyn, qurban shalýshylardyń qurban shalatyn ýaqytyn aldyn ala habardar etýi qajettigin alǵa tartty.

​