Qazaqstan qajylary otanǵa tolyq oraldy (FOTO)

Paryzyn óteý úshin qasıetti Mekke men Mádınaǵa attanǵan 3000 otandasymyz tolyq elge oraldy. Bul týraly Qazaqstan musylmandary dinı basqarmasynyń ókili habarlady.

«Allaǵa shúkir, qazaqstandyq 3000 qajy elge din aman oraldy! 1 qyrkúıekte qajylardyń sońǵy legi Shymkent áýejaıyna qondy. Densaýlyqtary qalypty», – dep atap ótti Qazaqstan musylmandary dinı basqarmasy Qajylyq bóliminiń meńgerýshisi Aıdar Salqynbaev.

Aıta keteıik, bıyl elimizden 3000 adam qajylyqqa baryp qaıtty. Jerlesterimizge 18 qajylyq fırmasy qyzmet kórsetti. Qazaqstan Qajylyq mıssııasy janynan qurylǵan ýaǵyz-nasıhat, pátýa, aqparat, dárigerler toby ózine júktelgen mindetti atqardy.

Elimizden barǵan 18 joǵary bilimdi dáriger qajylarǵa alǵashqy medıtsınalyq kómek kórsetti. Mekke men Mádına qalasynda medıtsınalyq qyzmet kórsetý ortalyqtary táýlik boıy jumys istedi. Sondaı-aq, Qazaqstan qajylary otandyq dári-dirmekpen qamtamasyz etildi.  

​