Qazaqstan qajylyq mıssııasy Mekkedegi jumysyn aıaqtady (FOTO)
Mıssııa qajylardyń basym bóliginiń Madına qalasyna ketýine baılanysty Mekkedegi negizgi jumystaryn támamdady. Osyǵan oraı, qajylyq mıssııasy músheleri arnaıy bas qosyp atqarylǵan sharýalarǵa esep berildi.
Eń birinshi uıymdastyrý jumystary boıynsha tapsyrylǵan jumystar barysy tekserildi. Oǵan qajylardy áýejaıdan kútip alý, shyǵaryp salý, qonaqúılerge ornalasýyn baqylaý, kólikpen qamtylýyn retteý syndy mindetter júktelgen bolatyn. Osylaısha atalǵan jumystar der kezinde qolǵa alyndy.
Odan keıin ýaǵyz-nasıhat boıynsha atqarylǵan isterge esep berildi. Mıssııa quramynda kelgen bilikti ımamdar ózderine tıesili kompanııalarda ýaǵyz aıtyp, onyń esebin berip otyrdy. Qajylyq kezindegi taǵy bir mańyzdy tusy ol pátýa berý. Mıssııa quramynda kelgen pátýa bóliminiń mamany da kelip túsken suraqtarǵa sol mezette jaýap berip otyrǵan bolatyn. Búginge deıin dál osy qajylyqqa qatysty 210 saýal túsip, barlyǵyna sharıǵat sheńberinde jaýap berildi deıdi Medet Qursaqov.
Aqparat toby da ózderine berilgen mindetteri boıynsha esepterin berdi. Mekke qalasynda túsirilýi tıis bolǵan ýaǵyzdardyń barlyǵy taspaǵa basylǵan. Sondaı-aq, Hıkmet teleradıostýdııasynyń Youtube arnasynda #Qajylyqkúndeligi degen atpen beınematerıaldar jaryq kórýde.
Tórtinshi másele ol qajylarǵa em-dom kórsetý. Osy ýaqytqa deıin 1744 otandasymyz dárigerdiń kómegine júginipti. Aıta keteıik bul jumystar bıylǵy qajylyq maýsymy aıaqtalǵansha jalǵasa bermek. Al, mıssııa músheleri tań namazynan soń Madınaǵa attanady.
