QAJYLARDYŃ ALǴAShQY LEGI OTANYMYZǴA ORALDY

Mekke qalasynda qajylyq rásimderin aıaqtaǵan qazaqstandyq qajylardyń alǵashqy legi Otanymyzǵa oraldy.

Jıdda – Almaty baǵyty boıynsha tikeleı reıspen ushqan 600-ge jýyq otandasymyzdy naıb múftı Ershat qajy Ońǵar bastaǵan Qazaqstan qajylyq mıssııasy músheleri shyǵaryp salǵan bolatyn.

Sondaı-aq qajylarymyzdyń keıbir bóligi qasıetti Mádına qalasyna attanýda. Olar ardaqty Paıǵambarymyz (oǵan Allanyń salaýaty men sálemi bolsyn) meshitin zııarat etip, Mádına halyqaralyq áýejaıynan elimizge ushady.

Aıta keteıik, bıyl elimizden kelgen 5081 otandasymyz qajylyq paryzyn ótedi. Al Qazaqstan qajylyq mıssııasy Mekke qalasynda ashylǵan jumys keńsesinde bes baǵyt, ıaǵnı ýaǵyz-nasıhat, alǵashqy medıtsınalyq kómek, uıymdastyrý-úılestirý, pátýa berý, aqparat taratý boıynsha jumys istedi.

​