«QAJYLYQ-2024» MAÝSYMYN UIYMDASTYRÝ TÝRALY HABARLAMA
Saýd Arabııa Koroldigine jumys saparymen barǵan Qazaqstan qajylyq mıssııasy birqatar mekeme basshylarymen kelissózder júrgizdi.
Naıb múftı Ershat qajy Ońǵar bastaǵan delegatsııa músheleri Mekke jáne Jıdda qalalarynda Saýd Arabııasy koroldigi Qajylyq jáne umra mınıstriniń halyqaralyq yntymaqtastyq boıynsha ókili doktor Hasan Ál-Manahıra myrzamen jáne qajylarǵa qyzmet kórsetetin mekeme jetekshilerimen kezdesip, uly sapardy joǵary deńgeıde uıymdastyrý máselesin talqylady.
Basqosý barysynda otandastarymyzdy Mına jáne Arafattyń yńǵaıly aımaqtaryna jaıǵastyrý jáne tasymaldaý kezinde jol qaýipsizdigin saqtaý, der kezinde alǵashqy medıtsınalyq kómek kórsetý, sapaly tamaqpen qamtamasyz etý t.b. máseleler sóz boldy.
Aıta ketsek, 2024 jyly elimizden 5081 myń adam úlken qajylyqqa barady. Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly jyl basynda Saýd Arabııasy koroldiginiń Qajylyq jáne umra mınıstri Taýfık ıbn Faýzan ar-Rabıamen kezdesip, tıisti qujatqa qol qoıǵan bolatyn.
Dinimizde bes paryzdyń biri – qajylyq, ol dinı týrızm emes. Osy rette Saýd Arabııa Koroldigi Qazaqstan Respýblıkasynyń zaıyrly memleket ekenin eskere otyryp, Islamdaǵy qajylyq paryzyn sharıǵı turǵydan uıymdastyrýǵa, júzege asyrýǵa Respýblıkalyq ıslamı dinı birlestik sanalatyn Qazaqstan musylmandary dinı basqarmasyn aıqyndaǵan.
Qajylyq jasaýshyǵa da qoıylatyn eń basty talap: qajylyq qulshylyǵyn eshqandaı týrıstik saparmen shatastyrmaı, ár qajy qajylyqtyń sharıǵı talaptaryn oryndaýy tıis.
Óz kezeginde QMDB qajylyqty uıymdastyrýdyń tehnıkalyq jaýapkershiligin belgili zań talaptary negizinde qazaqstandyq týroperatorlarǵa senip tapsyrady. Sebebi Qazaqstan Respýblıkasy azamattarynyń túrli maqsatta syrtqa shyǵýy týrızm salasyndaǵy zańnamalarmen retteledi jáne olardyń quqyqtaryn qorǵaý týroperatorlarǵa júkteledi. Osy maqsatta QMDB 2024 jyly qajylyq oryndaryn konkýrs negizinde 16 týroperatorǵa bólip berip, olardyń qajylyqqa nıet etken otandastarymyzǵa qyzmet kórsetý quqyǵyna ıe bolǵanyn jarııalady.
Qajylyq maýsymynda týroperator QR azamattaryn syrtqa shyǵý týrızmi salasyndaǵy quqyqtary negizinde SAK jerine QMDB bólgen qajylyq oryndary boıynsha ǵana azamattardy alyp bara alady. Qajylyq oryndarynan tys adam aparý eki el arasyndaǵy qajylyq kelisimshartyn buzǵan bolyp sanalady.
Demek, konkýrstan ótken 16 týroperator qajylardyń qaýipsizdigine, olardy Mekke-Medınaǵa aparyp-ákelýge, qonaq úı jáne as-sýmen, transportpen qamtamasyz etýge jáne tıisti qujattaryn rásimdeýge mindetteledi.
Olar: «Hıkmet Trevel» JShS, «Atlas Týrızm» JShS, «Qyzmet Saıahat» JShS, «Tawaf Travel» JShS, «Hıdaıat-Nýr» JShS, «Nurkhan travel» JShS, «Sembekova» JShS, «Sanabl kz» JShS, «Mina travel» JShS, «Al-Marýa» JShS, «Ordabasy – NJ» JShS, «Robinzon kz» JShS, «Delta Tour» JShS, «Iman Travel Týr» JShS, «Dostik travel» JShS, «Qazaq Sapar» JShS.
Atalmysh týroperatorlarǵa 25 sáýirge deıin qajylyq oryndaryn brondaǵan azamattarǵa qajylyq vızasyn rásimdeýdi aıaqtaý kerektigi habarlandy.
