QAJYLYQ-2024: RUQSATSYZ QAJYLYQ JASAǴANDARǴA AIYPPUL SALYNÝDA
Saýd Arabııasy Koroldiginiń qoǵamdyq qaýipsizdik qyzmeti qajylyq tártibin buzyp, ruqsatsyz qajylyq paryzyn ótegen qajylarǵa aıyppul sala bastady.
Memlekettik aqparat agenttiginiń habarlaýynsha, qajylyq jasaýǵa jáne ruqsatty zańsyz alýǵa tyıym salý saıasaty qamtylǵan aımaqtarǵa Mekke qalasy, ortalyq aımaq, qasıetti jerler, Haramaın temirjol stantsııasy, baqylaý-ótkizý pýnktteri, tekserý ortalyqtary jáne ýaqytsha baqylaý beketteri kiredi. Ereje 2024 jyldyń 20 maýsymyna deıin kúshinde bolady.
Kez kelgen adamǵa – azamattar, turǵyndar nemese kelýshilerge qajylyq erejelerin buzǵany úshin 10,000 saýdııalyq rıal (2666 AQSh dollary) aıyppul salynady, al azamattyǵy joqtar óz elderine deportatsııalanady jáne belgili bir merzimge deıin Koroldikke qaıta kirýge tyıym salynady.
Sonymen qatar, qajylyq tártibin buzǵandardy ruqsatsyz tasymaldap júrgen kez kelgen adam 6 aıǵa deıin bas bostandyǵynan aıyrylyp, 50 000 rıalǵa deıin (13 328 AQSh dollary) aıyppul tóleıdi jáne tasymaldaýǵa paıdalanylǵan kóligi tárkilenedi.
Qoǵamdyq qaýipsizdik eger zań buzýshy rezıdent bolsa, ol jazasyn ótegennen keıin deportatsııalanatyndyǵyn jáne zańǵa sáıkes belgili bir merzimge deıin Koroldikke qaıta kirýine tyıym salynatyndyǵyn habarlady.
Tasymaldanǵan adam sanyna baılanysty tártip buzýshylarǵa salynatyn aıyppul mólsheri ósedi.
