QAJYLYQ-2025: ZAŃSYZ QAJYLYQ JASAǴANDARǴA AIYPPUL SALYNADY

Saýd Arabııasy Koroldigi 2025 jyldyń 29 sáýiri men 10 maýsymy aralyǵynda zańsyz jáne vızasyz qajylyq jasaǵan, sondaı-aq olarǵa kómektesken adamdarǵa da tyıym salynatynyn jarııalady.

Bul sheshim qajylyq maýsymyndaǵy ólim jaǵdaıyna aparatyn keptelisterdiń aldyn alý úshin qabyldanyp, tyıym salý protsesi kún saıyn qatańdatylý ústinde. Osyǵan oraı Koroldik aıyppul salý, ıaǵnı jaza sharalaryn tómendegi jaǵdaılarda qoldanatyndyǵyn eskertti: 

1. Aldymen qajylyqty zańsyz oryndap jatqan nemese oryndaýǵa áreket etken azamattar kórsetilgen ýaqyt aralyǵynda qasıetti oryndarda qalýǵa nemese zııarat jasaýǵa áreket etken barlyq túrdegi VIZA ıelerine 20 myń Saýd Arabııasy rıaly nemese 5300 AQSh dollary kóleminde aıyppul salý belgilendi.
2. Qajylyq vızasy joq shetel azamattaryna, qajylyqty oryndaýǵa áreket etip Mekke jáne qasıetti oryndarǵa kirgen azamattarǵa jáne sheteldikterdiń saparyn basqa vızalar arqyly uıymdastyrǵan jaýapty ókilderge 100 myń Saýd Arabııasy rıaly (shamamen 26 600 AQSh dollary) kóleminde aıyppul qarastyrylǵan. Bul aıyppul somasy árbir jalǵan vıza úshin jeke-jeke túrde esepteledi. Sonymen qatar zańsyz túrde Mekke aýmaǵyna kirgenderdi jasyrǵandar, olardy tasymaldaǵan kólik júrgizýshileri, ornalastyrǵan qonaq úıler men  jeke úı ıelerine de  26 600 AQSh dollary kóleminde aıyppul salynady.
3. Zańsyz túrde Qajylyq jasaýǵa áreket etken azamattar, Saýd Arabııasynda ýaqytsha turǵan, ýaqyty aıaqtalǵan nemese zańsyz túrde mekendep otyrǵan azamattar óz eline deportatsııa jasalady jáne olardyń 10 jyl Saýd Arabııasyna kirýine tyıym salynady.
4. Qajylyq vızasy joq sheteldik azamattardy tasymaldaǵan transporttar olarǵa kómektesken azamattarǵa tıesili bolsa, ol kólikter sot arqyly memleket esebine ótkiziledi.
5. VIZA ýaqyty aıaqtalsa da, Saýdııa aýmaǵynan shyǵyp ketpegen shet el azamattaryna 50 myń rıal (13 300 AQSh dollary) kóleminde aıyppul, 6 aıǵa deıin qamaý jazasy jáne deportatsııa jazasy belgilengen.

2025 jyly  Saýd Arabııasy 1 mln 800 myń qajylardy kútip alýdy  jáne olarǵa qyzmet kórsetýdi josparlaýda. Osy oraıda qajylarǵa qolaıly jaǵdaı jasaý maqsatynda qajylyq jasaý resmı túrde tek qana QAJYLYQ Vızasy arqyly júzege asyrylady, basqa kez kelgen VIZA túrimen Mekke men qasıetti jerlerdiń aýmaǵyna kirýge tyıym salynady.

2024 jyly Saýd Arabııasyna basqa vıza túrimen kelip zańsyz Qajylyq jasaǵan 300 myńnan astam shetel azamatyn anyqtaǵan. Saýd Arabııasy 2025 jyldyń 29 sáýiri men 9 maýsym aralyǵynda birneshe memleket úshin Elektrondy vızaǵa usynystar qabyldaýdy toqtatty. Bul sheshimge shetel azamattarynyń umra úshin baryp, ruqsatsyz qajylyq jasaýǵa kópshiliginiń qalyp ketýi sebep bolǵan.

Bıyl Qazaqstannan resmı 4500 adam qajylyqqa attanady. Olar 24-31 mamyr aralyǵynda qasıetti mekenge baryp, 10-16 maýsym aralyǵynda elge oralady dep josparlanýda.

Qazaqstan Musylmandary dinı basqarmasy  barsha jamaǵatty Saýd Arabııasy Koroldigi Qajylyq jáne umra mınıstrliginiń sheteldik azamattarǵa qatysty erejelerin qatań saqtaýǵa shaqyrady. Sonymen qatar, bıyl qajylyqqa nıet etken otandastarymyzǵa qandaı da bir zańsyz áreketterge barmaýdy jáne qajylyq oryndaryn almaǵan lıtsenzııasy joq týrfırmalarǵa jazylmaý qajettigin eskertedi.

Al arnaıy lıtsenzııasy bar, qajylyq oryndaryn alǵan senimdi týroperatorlar tizimi tómende kórsetilgen.

Qoryta aıtqanda, dinimizdegi bes paryzdyń biri qajylyq – jaýapty ári saýapty qulshylyq. Sol sebepti joǵaryda atalǵan talaptar men erejelerdi saqtaýǵa jáne sharıǵat bekitken taza jolmen qajylyq qulshylyǵyn óteýge shaqyramyz.

QMDB Qajylyq bólimi

​