Qajylyq mıssııasy jumysyn Mádına qalasynda jalǵastyrýda (FOTO)

Búgin Mádına qalasyna jetken Qazaqstan qajylyq mıssııa ókilderi kún tártibi boıynsha iske kirisip ketti. Eń aldymen qajylar ornalasqan qonaqúılerdiń sapasy tekserildi.Buǵan deıin mundaı jumystar Mekke qalasynda da atqarylǵan bolatyn. Kóp uzamaı mıssııa ujymy Mádınadan ushatyn qajylardy shyǵaryp salý úshin arnaıy áýejaıǵa keldi.

Mıssııa músheleri otandastarymyzben dıdarlasyp, bıylǵy qajylyq maýsymy týraly oı bólise kele sát sapar tiledi. Osylaısha búgin myńǵa jýyq qajy elge attandy. Bir sátte Mádına-Almaty jáne Mádına-Shymkent baǵytyndaǵy eki reıs ushyp ketti. Al, tańerteń Mádına qalasynan Nur-Sultanǵa kezekti áýe reısi baǵyt alady. Qazirgi ýaqytta áýe reısteriniń tolyq ushyp-qonýyn mıssııa jumys toby baqylaýda. Arnaıy qoıylǵan kezekshilik boıynsha el azamattaryn shyǵaryp salý jumysy qajylyq sońyna deıin jalǵasady.