«Qıyndyqta el birge»: Mańǵystaý men Aralǵa 7500 túk shóp jiberildi (VIDEO)

27 shіlde 2021 3176 0
Оqý rejımi

Qurban aıt qarsańynda QMDB Tóraǵasy, Bas múftı Naýryzbaı qajy Taǵanulynyń bastamasymen «Qıyndyqta el birge» arnaıy qaıyrymdylyq jobasy qurylyp, Mańǵystaý jáne Qyzylorda óńirlerindegi qýańshylyqqa baılanysty respýblıka ımamdary asar uıymdastyrdy.

Qysyltaıań kezeńde QMDB-nyń ár oblystaǵy ókildikteri Mańǵystaý men Aral aımaqtaryna qoldaý kórsetýge kópshilikti jumyldyrdy. Ár ókildiktiń bas ımamdary arnaıy asar jarııalap, jamaǵattyń demeýshiligimen qarajat jınady.

Aqtóbe oblystyq ortalyq «Nur Ǵasyr» meshitiniń bastamasymen aımaq meshitteri 2 mıllıon teńge jınap, basqa oblys meshitterinen 4 050 000 teńge qarajat tústi. Jalpy kólemi 6 050 000 teńgege 7500 túk shóp satyp alyp, amanatty qabyldap alǵan Aqtóbe oblysynyń bas ımamy Serikjan Enshibaıuly bastaǵan ımamdar Yrǵyz aýdanynan Qyzylorda oblysynyń Aral óńirine 2500 túk shópti 3 kamaz kóligine artyp jiberdi. Al qalǵan 5000 túk shópti Temir aýdany, Shubarqudyq stantsııasy temir jol toraby arqyly 7 vagonǵa tıep, Mańǵystaý oblysy Beıneý stantsııasy, Shetpe stantsııasy jáne Jańaózen qalasyna attandyrdy. Ary qaraı amanatty qabyldap alyp, muqtaj aımaqtarǵa shópti jetkizý isi Qyzylorda jáne Mańǵystaý oblysy ımamdaryna tabystaldy. 

Al  Aral aýdanyna kelip jetken kómektiń alǵashqy legin Qyzylorda oblysynyń bas ımamy Bolatbek Ulasqanuly ózi tapsyrdy. Aýdan ákimi Serik Sermaǵanbetov Bas múftıdiń bul bastamasyna rızashylyǵyn jetkizip, Aral aýdany halqynyń atynan alǵys bildirdi. 

Qaıyrymdylyq jobasyna elimizdiń din qyzmetkeleri men «Zeket jáne qaıyrymdylyq» qory ókilderinen bólek jergilikti jamaǵat ta atsalysqanyn aıta ketken jón.

 

 

Pіkіrler Kіrý