QMDB: 2021 jylda atqarylatyn jumystyń basty jeti baǵyty bekitildi (FOTO)
QMDB Tóraǵasy, Bas múftı Naýryzbaı qajy Taǵanulynyń tóraǵalyǵymen ótip jatqan Dinı basqarmanyń keńeıtilgen Tóralqa májilisinde 2021 jyly atqarylatyn jumystardyń jeti baǵyty bekitildi.
Bas múftı Naýryzbaı qajy Taǵanuly baǵdarlamalyq baıandamasynda jeti baǵyt boıynsha jumystarǵa basymdyq beriletinin jetkizdi. Olar – aqparat jáne qoǵammen baılanys, ýaǵyz-nasıhat, qaıyrymdylyq, oqý-aǵartý jáne kadrlyq áleýet, rýhanı tárbıe Ihsan ilimi, din men dástúr, jat dinı aǵymdarmen jumys.
Aqparat jáne qoǵammen baılanys baǵyty boıynsha buqara halyqqa senimdi dinı aqparat berýge nazar aýdarylady. Ýaǵyz-nasıhat baǵyty boıynsha atqarylatyn jumystar dástúrli Hanafı mazhaby men Matýrıdı senim mektebi aıasynda nasıhattalady. Sonymen qatar qasıetti Quran men hadıs negizinde túsindirý jumystary júrgiziledi.
Qaıyrymdylyq baǵyty boıynsha áleýmettik kómekke muqtaj otbasylarǵa qoldaý kórsetilse, oqý-aǵartý jáne kadrlyq áleýet baǵyty boıynsha QMDB-ǵa qarasty joǵary jáne orta dinı oqý oryndarynyń sapaly kadr daıarlaý isine baqylaý-qadaǵalaý jumystary júrgiziledi.
Ihsan ilimi baǵyty boıynsha ádep qaǵıdalaryna negizdelgen kitaptar shyǵarylsa, din men dástúr baǵyty boıynsha salt pen din qaǵıdalarynyń sabaqtastyǵy jan-jaqty nasıhattalady. Jat dinı aǵymdarmen jumys baǵyty boıynsha destrýktıvti jat aǵymdar shyrmaýyna ilikken azamattarǵa jeke túsindirý is-sharalary júzege asady.
QMDB Tóraǵasy Naýryzbaı qajy Taǵanuly Tóralqa májilisinde atalǵan jeti baǵyt boıynsha jasalǵan jumystyń aı saıynǵy esebi tyńdalatynyn aıryqsha atap ótti.
