QMDB-30: Mańǵystaýda 2 shaqyrymdyq jol el ıgiligine berildi (FOTO)
El anasy atanǵan Bıbi-Jamal Ábdimálikqyzynyń dúnıeden ótkenine qyryq kún ótýine oraı elimiz boıynsha 6300 otbasyǵa qaıyrymdylyq kórsetilip, Mańǵystaý oblysynda baspanaly bolsam dep júrgen 5 muqtaj otbasyǵa páter kilti tabystalǵanyn habarlaǵan bolatynbyz.
Sondaı-aq, atalmysh qaıyrymdylyq is-sharalary aıasynda Qazaqstan musylmandary dinı basqarmasynyń 30 jyldyǵyna oraı «30 ıgi shara» baǵdarlamasyna sáıkes Mańǵystaý óńirinde 2 shaqyrymdyq jol el ıgiligine berildi.
Joldyń ashylý saltanatynda QMDB-nyń Mańǵystaý oblysy boıynsha bas ımamy Ánýar Izimbaıuly sóz alyp, aldymen QMDB Tóraǵasy, Bas múftı Naýryzbaı qajy Taǵanulynyń arnaıy quttyqtaý sálemin jetkizip, jergilikti aýyl turǵyndaryn quttyqtady. Sondaı-aq sharaǵa batagóı qarııa Lepes qajy Qosmaǵanbetuly men ózge de aqsaqaldar qatysty.
