QMDB: Aqparat jáne qoǵammen baılanys bóliminiń jumysy tyńdaldy (FOTO)
Qazaqstan musylmandary dinı basqarmasy ǵımaratynda Bas múftı Naýryzbaı qajy Taǵanulynyń tóraǵalyǵymen kezekti «Bólim saǵaty» ótti.
«Bólim saǵaty» otyrysynda Aqparat jáne qoǵammen baılanys bóliminiń jumysy tyńdalyp, jospary talqylandy. Jıynda QMDB Aqparat jáne qoǵammen baılanys bóliminiń meńgerýshisi Marat Bektazınov, QMDB Ǵalamtormen jumys sektorynyń meńgerýshisi Serikbol Hasan jáne «Hıkmet» stýdııasynyń dırektory Erbolat Saparov atqarylyp jatqan jumystar jaıly esep berdi.
QMDB Tóraǵasy Naýryzbaı qajy Taǵanuly bólim jumysyn saralaı kelip, aqparattyq nasıhatty kúsheıtip, QMDB ókildikteriniń saıttaryn áli de jetildire túsý kerektigin atap ótti.
«Aqparat jáne qoǵammen baılanys bólimi karantın kezinde de, qazirgi ýaqytta da aıtarlyqtaı qyzmet istep jatyr. Alaıda búgingideı aqparat tasqyny tolastamaı turǵan ýaqytta QMDB saıttary men áleýmettik jelilerindegi jumysty jetildire túsý kerek. Oqyrmandardyń suraqtaryna der kezinde jaýap berip, keri baılanysty kúsheıtý qajet. Osy arqyly Dinı basqarmanyń da jumysy jandana túsedi» dep atap ótti Naýryzbaı qajy Taǵanuly.
Aıta ketsek, jyl basynan beri muftyat.kz saıtynda 1832 qazaqsha jáne 364 oryssha maqala, 1613 qazaqsha jáne 376 oryssha aqparat jarııalandy. Saıttyń jyl basynan bergi jalpy qaralymy 5 156 368 adamdy qamtydy. Jalpy ókildikter saıttary boıynsha jyl basynan beri qazaq tilinde 3541 jańalyq, 5062 maqala, 2207 vıdeoónim jarııalandy. Al orys tilinde 148 jańalyq, 148 maqala jáne 123 vıdeoónim jaryq kórdi.
«Hıkmet» stýdııasy jyl basynan beri áleýmettik jeliler arqyly 124 onlaın dáris júrgizip, 297 000 adamdy aqparatpen qamtydy. Al oblystyq deıgeıde 959 onlaın dáris júrgizilip, 2 926 456 adamdy aqparatpen qamtydy. «Hıkmet» stýdııasy qańtar-qyrkúıek aılarynda jalpy sany 437 aýdıo jáne vıdeoónim daıyndap shyǵardy.
Jıyn barysynda QMDB bólim basshylary QMDB-nyń muftyat.kz jáne basqa da saıttary, «Hıkmet» stýdııasy jumysyna qatysty usynys-pikirlerin aıtty. «Bólim saǵaty» sońynda Bas múftı naqty tapsyrmalar berdi.
