QMDB ASTANA ÓKILDIGI 50 MUQTAJ OTBASYǴA KÓMEK KÓRSETTI (FOTO)
QMDB Astana qalasy ókildigi «Zeket jáne qaıyrymdylyq» qorynyń uıymdastyrýymen ıgi is-shara ótti. Elordalyq 50 muqtaj otbasyǵa 50 tonna kómir men azyq-túlik ónimderi úlestirildi.
Qaıyrymdylyq sharasy áleýmettiń osal toptaryn qoldaý jáne qys mezgilinde otbasylardyń turmys jaǵdaıyn jeńildetý maqsatynda uıymdastyryldy. Kómekke muqtaj jandarǵa kúndelikti tutynýǵa qajetti azyq-túlik sebetteri men jylytý maýsymyna arnalǵan kómir úlestirilip, olardyń qajettilikteri eskerildi.
«Bul ıgi shara – muqtaj jandardyń júgine jeńildik ákelý jáne qoǵamdaǵy qaıyrymdylyq dástúrin nyǵaıtý jolyndaǵy mańyzdy qadam. Qaıyrymdy jandardyń qoldaýy arqasynda osyndaı is-sharany júzege asyryp otyrmyz», – dep atap ótti «Zeket jáne qaıyrymdylyq» qorynyń Astana qalasy boıynsha jaýapty ókili Nurbol Qablanuly.
