QMDB Bas esepshisi Islam qarjysy kýrsyna qatysty (FOTO)
Tatarstan astanasy Qazan qalasyndaǵy HII halyqaralyq «Reseı – Islam álemi: KazanSummit» Ekonomıkalyq sammıtine Bas múftı Naýryzbaı qajy Taǵanulynyń tapsyrmasymen QMDB delegatsııasy birqatar is-sharalarǵa qatysqan bolatyn.
Máselen QMDB bas esepshisi Laýra Baıjarasova sammıt aıasynda 28-29 shilde kúnderi ótken Islam qarjysy jóninde kýrsqa qatysyp, arnaıy sertıfıkatqa ıe boldy. Qarjy salasyna qatysty zamanaýı jáne sharıǵı máseleler jáne olardy sheshý joldary men Islam qarjysy salasynyń damý perspektıvalary semınar barysynda baıandalyp, delegattarǵa jan-jaqty túsindirildi.
Atap aıtqanda Islamı qarjylyq máselelerdi damytý aıasynda Laýra Tileýhanqyzy:
- Reseı ıslam ınstıtýty men «Ak Barys» bankiniń uıymdastyrýymen «Reseı jáne TMD elderindegi Islam Ekonomıkasyn kóterýdegi Halyqaralyq uıymdardyń roli»;
- ISIBEL uıymynyń «Zaıyrly memleketterde Sharıǵat talaptaryna saı bıznes júrgizý (BIBF)»;
- Dýbaı elindegi Islam Ekonomıkasyn damytý ortalyǵynyń (DIEDC) «Kvalıfıkatsııa kóterý kýrsynda» «Qarjylyq jáne qarjylyq emes uıymdarda «Sharia complains» esepteý júıesi boıynsha esep júrgizý»;
- Dýbaı elindegi Islam Ekonomıkasyn damytý ortalyǵynyń (DIEDC) «Kvalıfıkatsııa kóterý kýrsynda» «Uıymdardyń qarjylyq emes sektorynda «Sharia complains» esepteý júıesin qoldaný»;
- Dýbaı elindegi Islam Ekonomıkasyn damytý ortalyǵynyń (DIEDC) «Kvalıfıkatsııa kóterý kýrsynda» «Reseı eline Islamı qarjylandyrýdyń qajettiligi – múmkindikter»;
- Ak Barys bankiniń uıymdastyrýymen «Qarajattyń uzaq merzimge resýrs bolýy» týraly taqyryptarda bilimin jetildirdi.
Sondaı-aq QMDB-nyń bas esepshisi 15 elden kelgen delegattarmen dóńgelek ústel ústinde «Islamı qarjylyq máseleler» boıynsha halyqaralyq áriptestikti talqylaýǵa qatysty.
Islamı qarjylandyrý aıasynda Bahreın, Saýd Arabııa Koroldigi men Tatarstan ustazdary dáris oqydy.
Eske sala keteıik, Tatarstan astanasy Qazan qalasynda 28-30 shilde kúnderi HII halyqaralyq «Reseı – Islam álemi: KazanSummit2021» Ekonomıkalyq sammıti jáne «Russia Halal EXPO» halal ındýstrııa kórmesi ótti.
