QMDB DELEGATsIIaSY INDONEZIIaDAǴY HALYQARALYQ KONFERENTsIIaǴA QATYSÝDA (FOTO)

QMDB Tóraǵasy, Bas múftı Naýryzbaı qajy Taǵanuly bastaǵan Dinı basqarma delegatsııasy Indonezııaǵa Nahdlatýl Ýlama uıymynyń arnaıy shaqyrýymen keldi.

Bas múftı Ońtústik-shyǵys Azııaǵa saparynda birqatar mańyzdy kezdesýler ótkizip, halyqaralyq konferentsııada sóz sóıleıdi dep kútilýde. 

Búgin Indonezııanyń Sýrabaıa qalasynda «Islam fıqhy jahandyq órkenıet úshin» birinshi halyqaralyq konferentsııa bastaldy. Jıyn Qasıetti Quran aıattaryn oqýmen bastalyp, aldymen sóz Shyǵys Iava aralynyń Gýbernatory Hofıfa Indarǵa berildi. Sonymen qatar alqaly jıynda ál-Azhar ýákili Muhammed ad-Dýını, Nahdlatýl Ýlama uıymy Ortalyq keńesiniń Bas dırektory Mıftahýl Ahııar, Dúnıejúzilik Islam Lıgasynyń Bas hatshysy sheıh Muhammed ıbn Abdýlkarım ál-Issa, Indonezııa vıtse-prezıdenti Maarýf Ámın sóz alyp búgingi konferentsııanyń mańyzyna toqtaldy.

Aıta keteıik, Sýrabaıada tuńǵysh ret uıymdastyrylǵan konferentsııaǵa 75 memleketten 300 ǵalym men din basylary qatysýda. Búgin Islam fıqhy boıynsha plenarlyq otyrystar keshke deıin jalǵasady.

​