QMDB delegatsııasy – Qazan qalasyndaǵy sammıtte (FOTO)
Búgin Tatarstan astanasy Qazan qalasynda HII Halyqaralyq «Reseı – Islam álemi: KazanSummit» Ekonomıkalyq sammıti bastaldy. Atalmysh sammıt aıasynda «Russia Halal EXPO» halal ındýstrııa kórmesi ótip jatyr.
Halyqaralyq aýqymdy kórmege Bas múftı Naýryzbaı qajy Taǵanulynyń tapsyrmasymen QMDB delegatsııasy, atap aıtqanda, naıb múftı Ershat qajy Ońǵar, «Halal Damý» dırektory Aıbek Asqarbekuly men Dinı basqarmanyń bas esepshisi Laýra Baıjasarova qatysýda.
Onlaın jáne oflaın ótip jatqan KazanSummit-ke jáne halal ındýstrııa kórmesiniń ashylýyna Tatarstan Prezıdenti Rýstam Mınnıhanov ta arnaıy kelip, quttyqtaý sóz sóıledi. Sammıtte Islam fınansy men seriktes bankıng, halal ındýstrııasy, jastar dımlomatııasy men Eksport damýy, kásipkerlik pen ınvestıtsııa máseleleri qaralady dep josparlanǵan.
«On ekinshi ret ótkizilip otyrǵan halyqaralyq Ekonomıkalyq sammıti joǵary deńgeıde uıymdastyrylypty. Tatarstan Prezıdenti men Reseıdiń laýazymdy tulǵalary, shetel dıplomattary men 15 eldiń beldi kásipkerleri bas qosqan halyqaralyq sammıtke bizdiń ujymnyń shaqyrtylýy – álemdik deńgeıde joǵary baǵalaýynyń kórinisi. Allaǵa shúkir deımiz. Sondaı-aq Qazaqstan da óz taýarlaryn kórmege ákeldi, onyń ishinde «QMDB Halal» sertıfıkatyn alǵan úsh kompanııa qatysýda. Reseıden bizdiń sertıfıkatty alǵan eki kompanııa qatysýda» dep atap ótti naıb múftı Ershat Aǵybaıuly.
Aıta keteıik, TMD elderi jáne Túrkııa, Arab elderi qatysyp jatqan sammıt pen halal ındýstrııasy kórmesi 30 shildege deıin jalǵasady.
