«QMDB Halal» belgisin zańsyz paıdalanǵan kásiporynǵa aıyppul salyndy
«QMDB Halal» sertıfıkatyn zańsyz paıdalanǵan «KazTorgGroup» kásipornyna qatysty sot sheshimi shyqty.
Qaraǵandy oblysyndaǵy «KazTorgGroup» kásipornynyń «Halal Damýǵa» tıesili «QMDB Halal» tańbasyn óz ónimderinde zańsyz paıdalanǵandyǵy anyqtalǵan bolatyn. Áriptesterimiz, «Sayrat» zańgerlik kompanııasynyń júrgizgen jumysy nátıjesinde, Qaraǵandy oblysynyń mamandandyrylǵan aýdanaralyq Ekonomıkalyq soty «KazTorgGroup» kásipornynyń «Iaıtso derevenskoe» saýda belgisimen shyǵarylatyn jumyrtqa ónimderinde «QMDB halal» tańbasyn qoldanýy zańsyz is-áreket dep tanylyp, kontrafaktilik taýarlar men olardyń qaptamalarynan «QMDB Halal» tańbasyn joıýdy, sonymen qatar jarnamalyq materıaldardy taratý men jalpyhalyqtyq tutynýdan tııý mindetteldi. Jáne shaǵymdanýshy tarapqa 200 000 myń teńge kóleminde shyǵyn ótý kerektigi aıtyldy.
Zańsyz paıdalaný boıynsha sot protsessindegi rásimderdi «Sayrat» kompanııasynyń zańgerlerimen birlese otyryp atqaryldy. Bul nátıjege jetýde sayrat.kz zańgerlik kásiporny qyzmetkerleriniń úlesi zor.
Esterińizge sala keteıik, QMDB «Halal Damý» JShS-na tıesili «QMDB Halal» logotıpi zań aıasynda patenttelgen. «QMDB Halal» tańbasyn zańsyz paıdalanýshylar zańdyq turǵyda QR Azamattyq kodeksine, QR Ákimshilik quqyq buzýshylyqtar jáne QR Taýar tańbalary, qyzmet kórsetý tańbalary jáne taýar shyǵarylǵan jerlerdiń ataýlary týraly zańdaryna sáıkes quqyqtyq jaýapkershilikke tartylatynyn eskertemiz. «QMDB Halal» tańbasyn resmı túrde sertıfıkattaýdan ótken, óndirisi men ónimderi mamandar tarapynan tekserilgen, zerthanalyq jáne baqylaý-qadaǵalaý sharalary oryndalǵannan keıin, «Halal Damýdyń» bekitilgen 6 standarty negizinde sertıfıkattalǵan kásiporyndar ǵana zańdy túrde qoldanýǵa quqyly.
Aldaǵy ýaqytta, «QMDB Halal» tańbasyn zańsyz paıdalanǵan kásiporyndar men jeke tulǵalardy anyqtaǵan bolsańyz, mindetti túrde bizge habarlaýyńyzdy suraımyz!
