«QMDB halal» oqytý jáne biliktilikti arttyrý ortalyǵy ashyldy (FOTO)

Qazaqstan musylmandary dinı basqarmasynyń tóraǵasy, Bas múftı Naýryzbaı qajy Taǵanuly «QMDB halal» oqytý jáne biliktilikti arttyrý ortalyǵynyń ashylý rásimine qatysty.

Bas múftı bastamasymen ashylǵan ortalyq Dinı basqarmanyń ortalyq apparatynda ornalasqan. Oqytý ortalyǵynyń negizgi jumysymen «Halal Damý» JShS dırektory Aıbek Atashev tanystyrdy.

Ortalyqta halal máselesine qatysty barlyq málimetter, «Halal Damý» uıymynyń sertıfıkatyn ıelengen kásiporyndar kartasy, t.b. aqparattar kórnekilik quraldary arqyly kórsetilgen. Biliktilikti arttyrý kýrstaryna ımamdar, ınspektor-baqylaýshylar, sondaı-aq, «QMDB halal» sertıfıkatyn ıelengen kásiporyndardyń mamandary qatysa alady.

«Halyqtyń tutynatyn asynyń adal bolýyn qadaǵalap, dinge qyzmet etip otyrǵan sizderdiń eńbekterińizge bereke tileımin. Standarttar men sharıǵatty birdeı oqytý, tek ózimiz emes, memlekettik mekemelerden de taqyrypqa qatysty mamandar shaqyryp oqytýdy qolǵa alsańyzdar» dedi Bas múftı.

Aıta ketelik, ortalyqtyń ashylý rásimine QMDB Apparat basshysy Ǵylymbek Jádigeruly, Sharıǵat jáne pátýa bóliminiń meńgerýshisi Sansyzbaı Qurbanuly, Dinı bilim jáne kadr daıarlaý bóliminiń meńgerýshisi Smaıyl Seıtbekov qatysty.