QMDB: Meshitte jamaǵatpen bes ýaqyt namaz oqýǵa ruqsat berildi
Búgin QR Premer-Mınıstri Asqar Mamınniń tóraǵalyǵymen el aýmaǵynda koronavırýs ınfektsııasynyń taralýyna jol bermeý jónindegi Vedomstvoaralyq komıssııanyń (VAK) selektorlyq otyrysy ótti.
Komıssııa meshit jumysyna qatysty sheshim qabyldady.
«Bıyl 2 qarashadan bastap (juma namazyn qospaǵanda) meshitterde ujymdyq namaz (bes ýaqyt namaz) ótkizýge ruqsat etilsin» delingen komıssııa sheshiminde. Biraq zalda 100 adamnan artyq kisi bolmaýy jáne 2 metr áleýmettik ara qashyqtyq, maska rejımi qatań sanıtarlyq-dezınfektsııalyq rejım saqtalýy tıis.
Qazaqstan musylmandary dinı basqarmasy meshitke kelýshi jamaǵatty sanıtarlyq-dezınfektsııalyq rejımdi qatań saqtaýǵa shaqyrady, sonymen qatar karantın jaǵdaıyna baılanysty qazirge juma namazy oqylmaıtynyn habarlaıdy.