QMDB ÓKILI EÝRAZIIaLYQ QARJY FORÝMYNDA ISLAMDYQ QARJYNYŃ DAMÝYN TALQYLADY

Qazaqstan musylmandary dinı basqarmasy Islamdyq qarjy sektorynyń meńgerýshisi Nurjan Jaqsylyquly Býrabaıda ótken «XXII Eýrazııalyq kapıtal naryqtary» halyqaralyq forýmyna qatysyp, ıslamdyq qarjynyń erekshelikteri men damý baǵyttary týraly baıandama jasady.

Forým aıasyndaǵy paneldik otyrystarda qarjy naryqtarynyń damý úrdisteri, ınvestıtsııalyq múmkindikter, jańa qarjy quraldary, ıslamdyq qarjylandyrýdyń keleshegi jáne sýkýk qundy qaǵazdarynyń damý perspektıvalary talqylandy.

Nurjan Jaqsylyquly óz baıandamasynda ıslamdyq qarjynyń negizgi qaǵıdattaryna toqtalyp, onyń naqty Ekonomıkany damytýǵa, qoǵamdyq ıgilikti arttyrýǵa jáne naryq qatysýshylary arasyndaǵy ádiletti qarym-qatynasty qalyptastyrýǵa baǵyttalǵanyn atap ótti. Onyń aıtýynsha, ıslamdyq qarjylandyrý saýda, jalǵa berý jáne seriktestik tetikterine negizdelip, naqty aktıvtermen qamtamasyz etilgen ári qosymsha qun qalyptastyratyn tıimdi balama qarjy modelin usynady.

Sonymen qatar, ıslamdyq qarjy quraldarynyń qarjylyq ınklıýzııany damytýdaǵy mańyzy sóz bolyp, dástúrli qarjy ónimderin dinı ustanymdaryna baılanysty paıdalanbaıtyn azamattar úshin qoljetimdi balama múmkindikter qalyptastyratyny aıtyldy.

Baıandamanyń qorytyndysynda Qazaqstanda ıslamdyq qarjynyń zańnamalyq negiziniń qalyptasýy qarjy naryǵyn ártaraptandyrýǵa, jańa ınvestıtsııalyq múmkindikterdi damytýǵa jáne Ekonomıkalyq qatynastardyń zamanaýı baǵyttaryn jetildirýge oń yqpal etip otyrǵany atap ótildi.

​