QMDB Oraza aıtqa arnalǵan onlaın baǵdarlama usynady

23 mamyr 2020 5064 0
Оqý rejımi

Alla qalasa, erteń Oraza aıt bastalady. Musylman qaýymynyń aıryqsha merekesine oraı Qazaqstan musylmandary dinı basqarmasy nasıhattyq onlaın shara usynady.

«Oraza aıt – ulyq mereke» dep atalatyn tikeleı Efır tańǵy saǵat 7:00-de Dinı basqarmanyń youtube jáne ınstagram paraqshalary arqyly kórsetile bastaıdy. Aldymen QMDB Tóraǵasy, Bas múftı Naýryzbaı qajy Taǵanulynyń musylman qaýymyn Oraza aıt merekesimen quttyqtaıdy. Odan ári Dıhan Qamzabekuly, Álıhan Baımenov t.b el aǵalary merekelik lebizin bildiredi.

Nasıhattyq onlaın shara barysynda QMDB Tóraǵasynyń orynbasary, naıb múftı Ershat Aǵybaıuly aıttyń shyǵý tarıhyna toqtalsa, QMDB Sharıǵat jáne pátýa bóliminiń meńgerýshisi Sansyzbaı Qurbanuly aıttyń sharıǵattaǵy orny jaıly oı qozǵaıdy. QMDB Ýaǵyz-nasıhat bóliminiń meńgerýshisi Batyrjan Mansurov «Karantın jaǵdaıynda aıt merekesin qalaı ótkizýi kerek?» degen suraqqa tolyqqandy jaýap beredi.

QMDB elimizdegi karantın jaǵdaıyna baılanysty bıylǵy Oraza aıt namazy meshitterde jamaǵatpen ótkizilmeıtinin habarlap, arnaıy málimdeme jarııalaǵan bolatyn. Hanafı mázhaby boıynsha aıt namazyn úıde jeke oqý durys emes. Sondyqtyn Dinı basqarma málimdemesine saı, Oraza aıt kúni árkim óz úıinde duha namazyn oqıdy. Osyǵan oraı tikeleı Efır barysynda «Áziret Sultan» meshitiniń bas ımamy Erbolat Júsipov duha namazynyń oqylý úlgisin kórsetedi.

Sondaı-aq shara barysynda «Ramazandaǵy muń», «Qosh bol, Ramazan» t.b rolıkter kórsetiledi.

Pіkіrler Kіrý