QMDB PÁTÝALARYN TANYSTYRÝ SEMINARY ÓTTI

QMDB Tóraǵasy, Bas múftı Naýryzbaı qajy Taǵanulynyń tapsyrmasymen Pavlodar oblysynyń ımamdaryna Ǵulamalar keńesinde sońǵy bekitilgen pátýalardy tanystyrý jumystary júrgizildi.

Jıynǵa QMDB «Halal Damý» mekemesiniń dırektory Aıbek Asqarbekuly, Pavlodar oblysynyń bas ımamy Joldas Qospaquly, Sharıǵat jáne pátýa bóliminiń mamany Elbek Tasbolatuly men jergilikti ımamdar qatysty.

«Imamdarǵa pátýaǵa qatysty saýaldar jıi qoıylady, sonyqtan bul saladaǵy sheshimderdi halyqqa nasıhattaýdyń mańyzy zor. Pátýalardy nasıhattaý isi –halyqqa durys dinı aqparat berýdiń alǵy sharty dep bilemiz. Sonyń ishinde, jıi suralatyn taqyryptardyń biri – halal máselesi», – degen Aıbek Asqarbekuly halalǵa qatysty Ǵulamalar keńesinde bekitilgen sońǵy pátýalardyń mańyzdylyǵyn túsindirdi.

Jıyn sońynda ımamdar tarapynan qoıylǵan suraqtarǵa jaýap berilip, pátýa berý máselesiniń ózektiligi talqylandy.

​