QMDB QAJYLYQ ORYNDARYN ALÝ BOIYNShA KONKÝRS JARIIaLAIDY
Qazaqstan musylmandary dinı basqarmasy qajylyq jáne umra salasynda qyzmet kórsetetin tájirıbeli týroperatorlar arasynda adal ári ádil básekelestikke qol jetkizý úshin ári qajylarymyzǵa qolaıly jaǵdaı jasaý maqsatymen «Úmitker týroperatorlarǵa qajylyq oryndaryn bólýdiń erejesi» negizinde 2027 jyly qajylyqpen aınalysýǵa úmitker týrıstik operatorlar arasynda konkýrs jarııalaıdy.
KONKÝRS TALAPTARY:
- «Qajylyq-2027» maýsymyna daıyndyǵy jáne naqty ıgere alatyn qajylyq oryn sany men múmkindigi týraly QMDB-ǵa ótinish hat jiberý;
- Týroperatorlyq qyzmetti júzege asyrý boıynsha QR qoldanystaǵy zańnamasynyń talaptaryna saı berilgen tıisti memlekettik lıtsenzııasynyń jáne QR «Týrıstik qyzmeti týraly» Zańy 27-3-babynyń 1-tarmaǵyna sáıkes qosymshasynyń bolýy;
- Memlekettik kirister organynan salyqtar men basqa da mindetti tólemderdiń tólengenin aıǵaqtaıtyn jáne osy tólemder boıynsha bereshektiń joqtyǵy týraly qujattyń bolýy;
- Qajylyqty uıymdastyrýda turaqty oń 5 (bes) jyldyq tájirıbesiniń bar ekendigin aıǵaqtaıtyn qujattardyń bolýy;
- QR zańdaryn jáne SAK tarapynan qajylyqqa qatysty qoıylǵan talaptardy buzbaýy;
- SAK qajylyq jáne umra mınıstrliginiń 2027 jylǵy qajylyq maýsymyna belgilegen resmı talaptarǵa sáıkes, árbir qajylyq uıymdastyrýshyǵa (týroperatorǵa) beriletin eń tómengi kvota 1000 (bir myń) qajyny quraıdy. Osy talap konkýrsqa qatysýshylar úshin mindetti bolyp tabylady.
- Konkýrsqa qatysýshynyń konkýrs jarııalanǵan kúnge deıin keminde sońǵy on eki aı ishinde Umra (kishi qajylyq) saparlaryn uıymdastyrý boıynsha turaqty qyzmetti júzege asyrǵanyn qujatpen rastaýǵa mindetti. Turaqty qyzmet dep mynalardyń jıyntyǵy túsiniledi:
- Saýd Arabııasynyń ýákiletti uıymdarymen nemese olardyń resmı seriktesterimen qoldanystaǵy sharttyq qatynastardyń bolýy;
- sońǵy on eki aı ishinde Umra saparlaryn naqty uıymdastyrý tájirıbesiniń bolýy;
- týrısterdi ornalastyrý, kólik, vıza, gıdtik qyzmet kórsetý jáne ózge de qyzmetterdi oryndaýdy rastaıtyn qujattardyń bolýy;
- sharttardyń tıisinshe oryndalǵanyn rastaıtyn bastapqy býhgalterlik jáne ózge de qujattardyń bolýy.
-
QR aýmaǵynda halyqqa sapaly qyzmet kórsete alatyn keńsesiniń bolýy (keńseniń meken-jaı anyqtamalyǵy, keńse nemese ǵımaratty jalǵa alǵan kelisim-sharty).
Atalǵan qujattar 2026 jylǵy 11 tamyzdan bastap hajj@muftyat.kz poshtasy arqyly 2026 jylǵy 21 tamyzǵa deıin qabyldanady. Kórsetilgen merzim aralyǵynda qujattaryn tapsyrmaǵan týrıstik operatordyń usynystary qaralmaıdy.
Týyndaǵan suraqtar boıynsha atalǵan poshtaǵa jáne QMDB Qajylyq bólimine (Júsipov Erbolat +7 717 299 93 87) habarlasýǵa bolady.
