QMDB: QURBAN AITTYŃ BIRINShI KÚNI 34 898 OTBASYǴA ET TARATYLDY (27.05.2026)

Qaıyrymdylyq – Qazaqstan musylmandary dinı basqarmasynyń qoǵamǵa baǵyttalǵan basty baǵyttarynyń biri. Bıyl da QMDB qurban shalýdy dástúrli túrde jáne QURBAN.MUFTYAT.KZ saıty arqyly onlaın formatta uıymdastyryp otyr. 

27 mamyr – Qurban aıttyń birinshi kúni elimiz boıynsha jalpy sany 18 710 mal qurbandyqqa shalynǵan. Onyń ishinde 941 ótinish onlaın formatta qabyldanǵan. Mal túrleri boıynsha: qoı – 16 593, eshki – 1 014, iri qara – 1 088, túıe – 15.

Qurbandyq eti respýblıka kóleminde 34 898 muqtaj otbasy men 324 áleýmettik mekemege úlestirildi.

Aıta keteıik, onlaın qurban shalýǵa tapsyrystar Qurban.muftyat.kz saıty arqyly mamyr aıynyń 29-y kúni saǵat 12:00-ge deıin qabyldanady.

«Qaıyrymdylyq jasasań, qaıyryn óziń kóresiń» deıdi dana halqymyz. Alla Taǵala shyn yqylaspen qurban shalyp, saýapty amalǵa úles qosqan barsha azamattardyń nıetin qabyl etkeı!















































​