QMDB: Qurban aıttyń birinshi kúninde 40 156 otbasyǵa et taratyldy (FOTO)

21 shіlde 2021 3439 0
Оqý rejımi

Qazaqstan musylmandary dinı basqarmasynyń qoǵam aldyndaǵy negizgi 4 qyzmetiniń biri – qaıyrymdylyq sharalaryn uıymdastyrý. QMDB kómekke muqtaj jandardy qoldaý, qaýipti indettiń aldyn alý maqsatynda bıyl taǵy da qashyqtan qurban shalýdy qolǵa alyp, WWW.QURBAN2021.KZ saıtyn iske qosqan bolatyn.

Joba maqsaty – qaıyrymdylyqqa dáneker bolý, halyqtyń densaýlyǵy men ómirine tóngen qaýipti seıiltýge úles qosý, qurban shalýǵa nıet bildirgen jandarǵa karantın jaǵdaıynda ońtaıly jol usyný, t.b.

Qurban aıttyń alǵashqy kúnindegi, ıaǵnı, 20 shildedegi málimet boıynsha respýblıka deńgeıinde qurban2021.kz saıty arqyly 2 132 adam qurbandyq shalýǵa tapsyrys berse, elimiz boıynsha jalpy sany 7 670 mal shalyndy. Onyń ishinde qoı – 6740, iri qara – 603, eshki – 318, túıe – 9. Barlyq málimetti jınaqtap aıtqanda, elimiz boıynsha 40 156 otbasyǵa qurbandyq eti taratyldy. 

Halqymyzda: «Qaıyrymdylyq jasasań, qaıyryn óziń kóresiń» degen naqyl sóz bar. Barshańyz shynaıy nıetpen qurban shalyp, muqtaj otbasylarǵa merekelik qýanysh syılap, saýapty iske ortaqtasyp otyrsyzdar.

Asa Qamqor, Erekshe Keńshilik Iesi bolǵan Alla Taǵala osy amaldaryńyzdyń saýabyn arttyryp, óz quzyretinde qabyldyqqa jazǵaı. Saýaby mol qaıyrymdylyq istiń jaqsylyǵy ózderińizge eselep qaıtyp, halyqtyń alǵysy men batasyna bólene berińizder. Kómek alǵan jandardyń sizderge joldaǵan duǵa-tilekteri qabyl bolǵaı. Jaratqan Jabbar Iemiz mereılerińizdi ústem etip, eki dúnıeniń nyǵmeti men qurmetine bólenýdi násip etkeı. Ámın!

 

 

Pіkіrler Kіrý