QMDB: QURBAN AITTYŃ EKINShI KÚNI 51 169 OTBASYǴA ET TARATYLDY (17.06.24)

Qazaqstan musylmandary dinı basqarmasynyń qoǵam aldyndaǵy negizgi qyzmetiniń biri – qaıyrymdylyq sharalaryn uıymdastyrý. QMDB kómekke muqtaj jandardy qoldaý maqsatynda bıyl da qurban shalýdy oflaın jáne WWW.QURBAN2024.KZ saıty arqyly onlaın júzege asyryp otyr.

Qurban aıttyń alǵashqy kúni, ıaǵnı, 17 maýsymdaǵy málimet boıynsha respýblıka kóleminde jalpy sany 13 024 mal shalyndy. Tarqatyp aıtsaq, qoı – 11 686, eshki – 720, iri qara – 610, túıe – 8. Barlyq málimetti jınaqtap aıtqanda, elimiz boıynsha 51 169 otbasyǵa, 139 mekemege qurbandyq eti taratyldy.

Eske sala keteıik, onlaın formatta qurban shalýǵa qurban2024.kz saıty arqyly tapsyrys berý jalǵasýda.

Halqymyzda «Qaıyrymdylyq jasasań, qaıyryn óziń kóresiń» degen naqyl sóz bar. Alla Taǵala shynaıy nıetpen qurban shalyp, muqtaj otbasylarǵa merekelik qýanysh syılap, saýapty iske ortaqtasqany úshin barlyq azamatqa razy bolǵaı!

​