QMDB: QURBAN AITTYŃ ÚShINShI KÚNI 23 234 OTBASYǴA ET JETKIZILDI (18.06.24)

Qazaqstan musylmandary dinı basqarmasynyń qoǵam aldyndaǵy negizgi qyzmetiniń biri – qaıyrymdylyq sharalaryn uıymdastyrý. QMDB kómekke muqtaj jandardy qoldaý maqsatynda bıyl da qurban shalýdy oflaın jáne WWW.QURBAN2024.KZ saıty arqyly onlaın júzege asyrdy.

Qurban aıttyń úshinshi kúni, ıaǵnı, 18 maýsymdaǵy málimet boıynsha respýblıka kóleminde jalpy sany 6 274 mal shalyndy. Tarqatyp aıtsaq, qoı – 5 714, eshki – 216, iri qara – 340, túıe – 4. Barlyq málimetti jınaqtap aıtqanda, elimiz boıynsha 23 234 otbasyǵa, 83 mekemege qurbandyq eti taratyldy.

Eske sala keteıik, onlaın formatta qurban shalýǵa qurban2024.kz saıty arqyly tapsyrys berý osymen toqtatyldy.
Halqymyzda «Qaıyrymdylyq jasasań, qaıyryn óziń kóresiń» degen naqyl sóz bar. Alla Taǵala shynaıy nıetpen qurban shalyp, muqtaj otbasylarǵa merekelik qýanysh syılap, saýapty iske ortaqtasqany úshin barlyq azamatqa razy bolǵaı!